Iap uwei, jah rngai 18 ngut ki nongtrei bylla hajan khappud ka India-China

Date:

Share post:

Itanagar, Naitung 19: Haduh kumba 18 ngut ki nongtrei bylla ki la jah rngai katba uwei pat u la khlad noh hajan khappud ka India-China hapoh Kurung Kumey district ka Arunachal Pradesh, kata hadien ba baroh ki la ngam jyllop hapoh ka wah Kumey.

Kine ki nongtrei bylla ki ba la jah rngai mynta lah 14 sngi ki dei ki pyntrei ia ka surok ha Damin.Lah ban kdew ba baroh kine ki 19 ngut ki nong bylla la iathuh ba ki la jah rngai noh na katei ka jaka ba pyntrei ia ka projek naduh kane ka taiew ba la dep, bad katkum u Deputy Commissioner la iathuh ba ia ka metiap jong uwei u nongbylla la lapdien najan jong katei ka wah.

Ia kine ki nongbylla la wanrah na ka bynta ban pyndep ia ki bynta jong ka surok ha Damin circle ka thain ba pajih ka ba don hajan ki bynta khappud ka India-China, ka thain ha ka ba ka tnat Border Roads Organization (BRO) ka la pyntrei ia ki projek ki ba heh jong ka.

Katkum ki khubor heh sorkar la ong ba kine ki nongbylla ki la kyrpad ia u kontraktor, u Bengia Bado ba un shah ia ki ba kin leit ban rakhe ia ka lehniam Eid, hynrei na ka liang u kontraktor u la kyntait ban ai jingbit.

Kumta namar kane ka jingkhanglad, baroh kine ki nongbylla ki la rai ban phet krad da ka ba iaid kjat hadien ba ki la jah rngai noh ha ki jaka khlaw ba rben ha ki bynta jong ka Kurung Kumey district.

Na ka liang ki khubor ki iathuh ba ki ba bun na kine ki nongbylla ki ba jah rngai ki dei ki Muslim napoh Assam.Ka khubor heh sorkar ka la ong ru ba kin phah ia ka kynhun aijingiarap sha katei ka jaka khnang ban lapdien ia kine ki briew ki ba dang jah rngai, kata da ka ba pynthikna ruh ia ki khubor hamsaia ba baroh ki la ngam jyllop hapoh ka wah Kumey.

Share post:

spot_img

Popular

More like this
Related

Ngam jyllop 2 ngut ki Khynnah Kynthei ha Wah Rilang

Shillong, Iaiong 22 : Arngut ki Khynnah Kynthei kiba...

Expelled and Unbowed: Avner Pariat’s defiant exit unveils party’s political turmoil

Shillong, Apr 21: Former Voice of People Party leader...

Jingshah pyniap dusmon ha Rongmil | Dawa ki kynhun na Assam bad Garo ia ka jingtohkit hok ki Pulit

Goalpara, Iaiong 21 : Ki kynhun sengbhalang na Assam...

Elekshon Lok Sabha : Sdang u Amit Shah ban ialap elekshon da ka road show ha Silchar

Guwahati, Iaiong 21 : U Myntri kam pohiing ka...