Shillong, Jymmang 11 : U Myntri Rangbah ka Meghalaya Conrad Sangma, ha ka sngi Nyngkong u la plie paidbah ïa ka SaiLum, ka karkhana shna ksai ryndia (Eri) ha Bhoirymbong, Ri Bhoi district, kum ka sienjam ban pynkhlaiñ ïa ka ïoh ka kot jong ka kam pynmih ksai ryndia bad kyrshan ia ki nongthain jain bad nongri khniang na ka thain.
Happy to inaugurate SaiLum, an Eri Yarn Manufacturing Unit at Bhoirymbong.
Ri Bhoi has long been at the heart of Meghalaya’s rich eri silk tradition, contributing to the State’s recognition as the world’s second-largest producer of Eri cocoons. Eri or Ahimsa silk is deeply woven… pic.twitter.com/BvxJUOQ4Z0
— Conrad K Sangma (@SangmaConrad) May 11, 2026
Haba khot ïa ka Ri Bhoi kum ka dohnud jong ka kam pynmih ksai ryndia nala tynrai ha Meghalaya, u Conrad u la ong ba ka district ka la ïashim bynta kaba khraw ban pynlong ïa ka Meghalaya kum ka nongpynmih ‘sop khniang ryndia’ kaba wan ba-ar na kiba pynmih bun eh ha ka pyrthei.
U la kdew ba u ksai niang ryndia, uba la tip ruh kum u Ahimsa silk, ka ïasoh jan bha bad ka kolshor, ka pateng, bad ka kamai kajih jong ki jaidbynriew ha kylleng ka jylla.
U Myntri Rangbah u la ong ba ka jingseng ia ka SaiLum kan ïarap ban pynkhlaiñ ïa ka rukom treikam ha ka jingpynmih ia u ksai ryndia ha Meghalaya da kaba pynthikna ïa ka jingkyrshan kaba kham bha ïa ki nongri ‘khniang ryndia’ bad ban pynbha ïa ka lad ban ïoh ïa u ksai uba bha bad uba jem dor na ka bynta ki nongthain jain.
“Ka Ri Bhoi ka la long la slem bha ka jaka pdeng jong ka jingpynmih ia u ksai ryndia nala tynrai ka Jylla. Ka jingseng ia ka SaiLum kan pynkhlain ia kane ka nam haba pynkupbor ia ki nongri khniang bad ki nongthain jain ha kylleng ka thain” ong u Conrad.
Haba kdew ïa ka jinglong kongsan bha ka jaka ba don ka Bhoirymbong, u la ong ba ka jingdon ka Bhoirymbong marjan bad ka Kad Liengsuiñ Umroi ka lah ban plie ïa ki ïew kiba thymmai na ka bynta ki mar ba pynmih na ki ksai ryndia bad nang pynkhlain ruh ia ki lad pyniasoh ha ka khaii ka pateng bad ka jingshalan ia ki mar.
Ha kane ka prokram, u Myntri Rangbah u la aiti ruh ïa ka song pisa kaba T.35 lak hapoh ka PRIME Meghalaya scheme ban kyrshan ïa kane ka sienjam.
Ka sorkar ka la buh jingthmu ruh ban kyntiew ïa ka jingpynmih ksai ryndia bad ban pynmih mar na une u ksai kum shi bynta jong ki jingpyrshang ban kyntiew ïa ka kamai kajih ha nongkyndong, ka jingseng kam, bad ki karkhana thain jain nala tynrai ha Meghalaya.
 ha Bhoirymbong, Ri Bhoi district, kum ka sienjam ban pynkhlaiñ ïa ka ïoh ka kot jong ka kam pynmih ksai ryndia bad kyrshan ia ki nongthain jain bad nongri khniang na ka thain.){kind=link}