Shillong, Naitung 20: U Myntri Rangbah ka Jylla Conrad Kongkal Sangma, hynne ka sngi balang, ula plie paidbah ia ka M/s Megha Feed Mill ka karkhana pynmih jingbam ia ki jingri jingdup, ha Selsella Block, ka ban pyndap ia ki jingbam ba bsa ia ki jingri jingdup khamtam ia ka Mission ri Sniang (Piggery Mission) hapoh ka Ri-lum Garo.
Inaugurated the Megha Feed Mill at Haripur, #WestGaroHills District under the Meghalaya Piggery Mission. This is the first such set up under the Mission. I wish Haripur IVCS the very best. @PRupala pic.twitter.com/U6m0v7lnZR
— Conrad Sangma (@SangmaConrad) July 20, 2022
Ia kane ka karkhana pynmih jingbam jong ki jingri jingdup, la plie ha ka jingiadonlang ka MLA ka Selsella ka Ferlin CA Sangma, u MLA ka Phulbari SG Estamur Mominin, u MLA ka Rajabala Abdul Saleh bad ki Heh Ophisar ka Jylla.
Ka jingseng ia kane ka karkhana ka long hapoh ka Piggery Mission ka Sorkar Jylla, kaba la seng halor ka jingthmu ba kan weng ia ki jingeh na ka jingbym lah pynbiang ia ki jingbam ia ki jingri jingdup ha Ri-lum Garo khamtam eh ban lah ai ia ki jingbam tei met ia ki masi bad ki sniang ha ka thain.
Ia kane ka karkhana la seng da ka Haripur IVCS Ltd, Selsella bad la kyrshan da ka MBMA kat kum ka MLAMP Project jong ka IFAD bad ka Sorkar Meghalaya.
Ka M/s Megha Feed Mill ka lah ban pynmih haduh 1000 kilo ki jingbam hapoh ka shikynta ia kaba la pyndonkam da u skop, u rewhadem, u skop kew bad la khleh lang da ki kynja jingbam tei met bad ka mluh.
Ia kane ka Feed Mill la pynieng da ka jingkyrshan pisa ba T. 19.34 lak hapoh ka Piggery Mission jong ka Sorkar Meghalaya bad T. 21 lak kum ka jingiasynniang lem jong ka imlang sahlang.
Haba kren ha ka jingialang, u Myntri Rangbah ula kular ban iai bteng ia ka jingai jingkyrshan sha ki paid nongrep lyngba ki skhim bad ki Policy bapher bapher haba kyntu ruh ia ki paid nongrep ba kin pan ia ki jingmyntoi bala wanrah da ka Sorkar Jylla.
Ha kane ka sngi, u Myntri Rangbah ula leit sam ruh ia ka cheque ba kot T. 50,50,000 sha ki 60 tylli ki kynhun jong ki Nongrep ka Selsella Bloack kum shibynta naka skhim Falgship Farmers’ Collectivisation for Upscaling of Production and Marketing Systems (FOCUS), ha Namabilla Kasiapara.
Cheques amounting to ₹50.50 Lakhs were distributed to 60 Producer Groups at Namabilla Kasiapara under Selsella Block today through the FOCUS program
FOCUS is our promise to our farmers of Meghalaya- a commitment to double their incomes & improve their livelihoods@nstomar pic.twitter.com/qaUd7cU6GB
— Conrad Sangma (@SangmaConrad) July 20, 2022
U Myntri Rangbah ka Jylla u pyntip ba haduh 2.25 lak ngut ki paid nongrep napdeng ki 4.5 lak ngut kila ioh ia ki jingmyntoi naka FOCUS haba kyntu ruh ia ki nongrep ba kin thaw ia ki kynhun ba kin iohlang ia kane ka skhim.
