Shillong, Nailar 07: U Myntri Rangbah ka jylla u Conrad K Sangma, hynne ka sngi Balang, u la plie paidbah ia ka Art Auditorium ha Block-E jong ka Royal Global University.
Ia kane ka Auditorium la plie ha ka jingiadon lang u Ashok Kumar Pansari, Chancellor, Staff & Non teaching staff bad ki samla pule jong ka skulbah pyrthei jong ka syiem.
Ha ka jingkren jong u, u Sangma u la ong ba u dei uba ngeit skhem ha ka roi ka par bad ka pule puthi bad u la ong ruh ba ki jingtei bad ki jingdon jingem kiba don ha Royal Global University ki long ki bym kai shuh.
U la pynksan shuh shuh ia ka jingwad bniah bad jingpynroi kaban wanrah ia ka jingpynthymmai, kane ka jingwad ia ki lad ki lynti na ka bynta kiba bun ki jingeh kiba ka thain ka iakynduh bad khatduh eh ka Ri bad ka pyrthei baroh kawei.
” Ka la dei ka por ba ngi kum ka thain ngin kiew sha ka jingeh bad ban long ki nongialehkai ba kongsan ha kiba bun ki bynta ha ka ri bad ka pyrthei bad ban ym don shuh ia ka jingmut jingpyrkhat kum ki nongshah lehbein. Ngi dei ban noh synniang da kaba bha sha ka jingbha jong ka imlang sahlang bad nga ngeit ba ki samla ki long kiba kongsan sha kane ka jingkylla.”
Iaka prokram la pynkut lyngba ka jingiakren hapdeng u Conrad bad ki samla pule jong ka kolej.
