Shillong, Nailur 25: U Myntri Sorkar Bah Sanbor Shullai, ha ka sngi Palei, u la plie paidbah ia ka Shillong Cantonment VB Park kaba la shna pynthymmai ha Rhino Point, ka projek kaba la shimti da ka Shillong Cantonment Board da ka jingkyrshan lang ka prokram Corporate Social Responsibility (CSR) ka NTPC bad ka NEEPCO.
Ia kane ka park la maramot ha ka jinglut ba ₹31 lakh ia kaba la pynioh na ka scheme MLA jong u Bah Sanbor. Shuh shuh u la pynbna ba la mang ₹25 lak na ka bynta ban pynitynnad ia ka Jhalupara Taxi Stand.
U MLA ka South Shillong u la pyntip ba ka jingpyntrei ia ka top um ba 10 lak liter bala bei pisa da ka Tnad Defence, kaba kot T.10 klur, kala iaid mynta.
U Bah Shullai u la ong ba kum u MLA bad kum u Myntri, u khein kor ia ki jingai jingmut na ki nongshong shnong ban saindur ia ki kam pynroi.
 ka NTPC bad ka NEEPCO.){kind=link}