Nongstoiñ, Nailur 18: U MDC ka Nongstoiñ Bah Gabriel Wahlang ha ka sngi saitjain, u la plie paidbah noh ïa ka jingkieng iaid kjat kaba pynïasnoh na ka shnong Tiehsaw sha ka shnong upper New Nongstoiñ kaba dei ka jing kieng ïaid kjat kaba la shna ha ka jingpynlut kaba 26 lak tyngka lyngba ka KHADC.
Kane ka jingkieng ka dei kaba don marjan bad ka skul KJP Nongstoiñ bad kan long shisha ka jingmyntoi bad ka jingkyrkhu kaba khraw na ka bynta ki khynnah skul, kiba hap ban ïaid lyngba katei ka wah, khamtam ha ki aïom lyiur ka long kaba eh bad ka bym lah ban kam sha shilliang wah, namar ka jingheh jong ka um.
U bah Gabriel Wahlang ha katei ka sngi u la khap ïa u ribbon bad ban plie ïa u mawthoh kyrteng schem hashuwa jong ka jingïalang bala pynlong ha phyllaw jong ka skul KJP.
Ha katei ka sngi la ïadonlang ruh kiwei kiwei ki riew rangbah jong ka thaiñ kaba kynthup ïa kiba na ka shnong Upper New Nongstoiñ bad la pynïaid ïa katei ka jingïalang da u bah Moon Dkhar sordar ka shnong Tiehsaw.
