Nongpoh, Kyllalyngkot 15: Ka Ri-Bhoi Shatei Presbytery ha ka sngi Balang, kala plie paidbah ia ka Board of Music Institute-ka shlem ai jinghikai halor ka put ka tem, kaba la tei hapoh ka shnong Pahamlapong hajan Nongpoh.
Kane ka jingplie ia kane ka shlem kala wan ruh kum ka jingpynkhreh ban jam sha u mawmer ka jingdap 25 snem ha ka jingai jingshakri kaba kynja mynsiem jong ka Presbytery.
Ia kane ka shlem la tei ha ka jinglut kaba kot T.61 lak bad la plie ia ka da u MLA ka Nongpoh Bah Mayralborn Syiem ha ka jingiadonlang u MDC Bah Balajied Rani, u Rev SBN Teron Moderator ka RBP Synod, bad kiwei kiwei ki nongsharai Balang.
Ha kane ka sngi, u MLA ula aiti ruh ia ka kali kit nongpang sha ka Prebytery kaba la mang na ka skhim CMSDF bad ruh ia ka work order ba T. 5 lak ban pynheh ia ka Ophis treikam jong ka Presbytery.
