Shillong, Lber 10 : U Myntri Rangbah ka Jylla Conrad K Sangma ha ka sngi Nyngkong, ula phong da ka sopti jain ryndia (eri silk) sha ka Dorbar Mang tyngka ka Iingdorbar bad kyntu ia ki Dkhot ka Iing ba kin kyrshan bad kyntiew ia ki nongthain jain jong ka Jylla.
U Conrad ula kular ruh ban sa phah ia ki jain ryndia sha ka Ophis u Myntri Rangbah Duh ka Ri bad sha ki Ophis jong baroh ki Myntri ka Sorkar Pdeng.
Haba khring ia ka jingmut jingpyrkhat jong ka Iingdorbar sha ka riam jong u, u Conrad ula ong “Kane ka sopti ba nga phong ka dei kaba suh da ka jain ryndia bad kane ka sopti ka dei ka mar ba pynmih na Meghalaya. Kane ka sopti ka dei kawei na kiba nga sngewjuh bha ban phong bad ban shu pyntip sha phi ba une u ksai eri la airong da ki rong ba shna hi na ka mariang…..Nga la phah suh palat 15 tylli ki sopti kum kane bad nga ju phong ia ki man ka por namar ki dei kiba sngewjuh bha”.
U Conrad ula ong ba wat u Myntri ka tnad Pule Puthi ka Sorkar Pdeng ula juh bha ia ka sopti jain ryndia bad ong “Ha kawei ka sngi nga la phong ia kane bad nga la leit iakynduh ia ki katto katne ki Myntri. U Myntri ka Pule Puthi Dharmendra Pradhan ula juh palat bad ula kyntu ia nga ban phah ia ka jain ryndia sha u namar u kwah ban suh kurta bad kiwei kiwei ki sopti na ka”.
“Kumjuh ruh, ngin sa phah ia kane sha ka Ophis u Myntri Rangbah Duh bad kiwei ki Ophis ki Myntri Sorkar ban kyntiew ia ki jain ba ngi pynmih, ia ki nongthain jain jong ngi bad ban lah pynioh ia ka iew ia ki” ula pyntip.
“Nga kwah ban kyntu ia ki dkhot, phi dei ban kyntiew ia kane bad phi dei ban pyndonkam ia kane khnang ba ym tang ban shu kren hynrei ban leh ruh da ka kam, ngin lah ban kyrshan ia ki nongthain jain bad ki SHG jong ngi. Kane ka dei kaba rit, kaba khlain bor bha ban phah ia ka khubor” kyntu u CM.
Haba pynpaw ba u Bah Iaishah Rymbai, uba shem ia ka Eri Weave Pvt Ltd, ula ioh ia ka jingbei tyngka ba T. 20 lak da 12% ka equity na ka Shark tank Indian Season 4, u CM ula ong “Kane ka phalang ia ka jingkyrshan kabba ngi la ai da kaba thaw ia kiba bun ki kam ki jam bad ki kam kamai jakpoh”.
 sha ka Dorbar Mang tyngka ka Iingdorbar bad kyntu ia ki Dkhot ka Iing ba kin kyrshan bad kyntiew ia ki nongthain jain jong ka Jylla.){kind=link}