Shillong Nailar 23: Ka Voice of the People Party (VPP) hynne ka sngi Balang kala kyntu iaka sorkar jylla ba kadei ban tuklar bad pynkut noh shi syndon iaka ia ka jingpynibor hapdeng ka Meghalaya College Teachers’ Association (MCTA) bad u Vice Chancellor ka North Eastern Hill University (NEHU) halor ka jingpyntreikam iaka National Education Policy (NEP) ha Meghalaya.
“Na ka bynta ka bha ka miat jong ki samla pule bad ka pule puthi ha ka jylla, ngi kyrpad ia ka ban tuklar lem halor kane ka mat bad ban pynkut noh shi syndon ia katei ka jingpynibor hapdeng ka MCTA bad u VC ka NEHU,” la pynpaw u President ka VPP u Bah Ardent Miller Basaiawmoit ha ka kyrwoh khubor.
Ula ong baka VPP ka dap da ka jingsngewkhia ia kane ka jingpynibor kaba la jia hapdeng ka MCTA bad u VC ka NEHU uba la shim ia ka rai ban pyntreikam noh iaka National Education Policy 2020 ha ki jingpule mynat u snem.
U Bah Basaiawmoit ula ong ba ka seng ka sngewkhia halor ka jingshem jingeh ki samla pule bad ka rukom long iaka jingai jinghikai, lada ia katto katne ki mat, ym lah ban shimkhia da kaba ai nuksa ia ki jingtei, ka jingkiew haka jingdon ia ki nonghikai bad kiwei kiwei, hashwa ba ia katei ka Policy yn pyntreikam.
“Ka seng ka maham ia ki paidbah bad khmatam eh ia ki samla pule ba kim dei ban shah ialam bakla ha kito kiba thrang ban pyntreikam ia katei ka policy naduh une u snem pule uba mynta khlem da shimkhia shwa ia kitei ki jingeh kiba la kdew haneng” ula ong.
Ka VPP kala pynpaw ba ka mpyrshah iaka NEP, u Bah Basaiawmoit ula ong ba ka seng ka buh jingkylli iaka rukom pynkhreh jong ki jaka pule ki bapher bapher bad ki College ha ka jingpyntreikam ia katei ka policy ha une u snem pule ba mynta wat hadien ba la pynpaw ia kitei ki mat kiba la kdew haneng.
“La sngewthuh ba ka NEP 2020 ka ai ia ki Course ki bapher bapher ia ki samla pule kaba kynthup iaka vocational course, kumta dei ban don shuh shuh ki kamra pule na ka bynta ban ngiam ha ka jingkiew jong ka jingdon jongki khynnah pule bad ki nonghikai kiban hikai ia kitei ki Course kiba thymmai, dei ban shimkhia shwa ia kine hakhmat eh” ula pynpaw.
U President ka VPP ula pynpaw iaka jingsngewkhia halor ka jingbym lah ka sorkar jylla ban pynkha ia ki kam nonghikai ha ki college kaba la pynlong ia ki bor pyniaid college ban thaw hi ia ki kam nonghikai, ka bym shim la long ryntih katkum ka UGC Sanction Posts bad kane kala pynmih iaka jingnoh shilliang ha kaba iadei bad ka jingsiew iaka tulop bad kumjuh ruh ha kaba iadei bad ka kam kaba khia kaba ki trei.
Ka NEP 2020 ka banjur ia ka jingdonkam ban pynkupbor pura ia ki college, kane kan buh ha ka jingeh ia ka sorkar jylla ban pyrkhing iaka rukom treikam jong ki college bad ki jaka pule bad kane kan pynlaitluid ia ki ban rai ha kaba iadei bad ka jingsiew kaban ktah kylla ia ki samla pule khamtam eh ia kito kiba wan na ki longing kiba duk.
Ka VPP kala pynkynmaw ruh iaka rai jong ka sorkar jylla ban pdiang iaka CUET khlem da khmih bniah ia ki jingeh kaba ki samla pule kin iakynduh.
“Bun ngut ki samla pule kila duh iaki ‘Admission’ ha ki Undergraduate Course namar ka jingduna palat ki Examination Center ha ka jylla bad kim shym la ioh ban ialeh iaka CUET exam. Kumta ka Voice of the People Party kam kwah ba kum katei ka jingjia kan jia biang ia ki samla pule ha kaba iadei bad ka jingpyntreikam iaka NEP,” la pynpaw u Bah Basaiawmoit.
Pule ruh: Pynkut ka Tnad Pulit ia ka NLCN Ha ka por kaba biang bha
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 hynne ka sngi Balang kala kyntu iaka sorkar jylla ba kadei ban tuklar bad pynkut noh shi syndon iaka ia ka jingpynibor hapdeng ka Meghalaya College Teachers’ Association (MCTA) bad u Vice Chancellor ka North Eastern Hill University (NEHU) halor ka jingpyntreikam iaka National Education Policy (NEP) ha Meghalaya.){kind=link}