Shillong, Jylliew16: Ka Sorkar Jylla hynne ka sngi palei ka 16 tarik Jylliew, kala pynbna ba baroh ki skul ki dei ban khang naduh ka 17 tarik Jylliew haduh 20 tarik Jylliew.
U Commissioner Secretary ka Tnad Education Dr BDR Tiwari ula ong “namar ka jingjur u slap bad ka jingmaham jong ka Tnad India Meteorological (MET) Shillong, ka jingther jong u slap kan nang iai bteng ha Meghalaya ha kine ki 5 sngi ban wan”.
La bthah ia ki Deputy Commissioner ba kin peit thuh bad bishar ia ka jinglong jingman ba man la ka sngi halor ka jingshngain ban plie biang ia ki skul hala ki jong ki District.
“Ia kane ka jingpynbna la pynmih na ka bynta ka jingshngain jong ki khynnah skul bad kan treikam mardor tad haduh da pynmih da kawei pat ka hukum” ula ong.
