-->

Phah ka Sorkar ia shi pyrton ki Pulit sha Mawkynrew ban tehlakam ia ka suk ka sain

Date:

Share post:

Shillong, K’lyngkot 20 : Ka Sorkar Jylla kala phah biang sa shi pyrton ki Pulit sha Mawkynrew hadien ba mih ka jingkulmar halor ka jingai jaka ia ka Ram Krishna Mission (RKM) ba kan shna skul.

“Ngi la phah sa shi pyrton ki Pulit sha ka jaka ba tei ia ka Iingskul ban pynthikna ia ka jingneh ka suk ka sain” ong u Bah Vivek Syiem, Superintendent of Police ka East Khasi Hills.

Haduh 6 ngut ki brew kynthup ia 4 ngut ki Pulit Kynthei kila mynsaw ha kane ka jingkulmar kaba la khie hapdeng ki Pulit bad ki paid Nongshongshnong, kiba mih ban iakhih pyrshah ia ka jingkynnoh ai jaka sopsop ka Dorbar Shnong ia ka RKM ba kan shna skul.

“Saw ngut ki Pulit Kynthei kila mynsaw malu mala bad arngut ki riew paidbah ruh kila mynsaw ha kane ka jingkulmar” ula ong haba bynrap ba ki Pulit kila lah ban pynjai jai noh ia ka jinglong jingman ha ka thain.

Kane ka jingjia kala pynbor ia ki bor District ka East Khasi Hills ban pynjari syndon da ka korphiw ban pynthikna ba ka suk ka sain kam dei ban nang sniew hapoh kane ka Shnong.

Share post:

-->
spot_img

Popular

More like this
Related

Plie u Bah Wailad ia ka Sports Meet ka NHM ha Nongkseh

Shillong, Risaw 15: U Myntri ka Koit ka Khiah...

CCI Women’s T20 | Da 12 run liem ka Meghalaya ha ka Mizoram

Shillong, Risaw 15: Ki thei ialehkai ka Meghalaya ki...

Vinoo Mankad Trophy | Pynliem ka Meghalaya ia ka Nagaland da 7 run

Shillong, Risaw 15: Ki rang ialehkai kriket ka Meghalaya...

SPL 2025 | Lait salut ka Laitkor ban hiar kyrdan da ka jingjop ia ka Sawmer

Shillong, Risaw 15: Ka kynhun ialehkai ka Laitkor SC,...