spot_img

Peitngor ka Sorkar Meghalaya ia ki kam pyntriem ki lehnoh Jihadi ha Assam

Date:

Share post:

Shillong, Nailar 04: Ka Sorkar Meghalaya kala peitngor bha mynta sha ki jaka khappud ka Assam hadien ka jingmih khubor halor ka jingdon jong ki lehnoh Jihadi ha Jylla Assam.

“Ngin peitngor bha bad ki Pulit kin pynthikna ba ka jinglum khubor syntiat na manla ki shnong ka dei ban long kaba khlain bha” ong u Myntri Rangbah ka Jylla Conrad Kongkal Sangma haba iakren bad ki nongthoh khubor hynne ka sngi palei.

U Myntri Rangbah ula bynrap “Ka jingtreikam hi kan long ha kaban pynthikna ba ki jingtip kin wan na ki nong syntiat ki ban peitngor bad ai jingtip ia ka jingwan rung ki riew phylla ha ki shnong ki thaw”.

U Myntri Rangbah ula ong baka Sorkar Jylla ka ju ioh ia ki jingtip bad kan sa peitngor bha.

Haba kylli la ka jingpeitngor kan long ha ki jaka khappud ka Assam bad ka Bangladesh, u Conrad ula ong “Ngin sa peitthuh ia ka jinglong jignman bad kaei kaba donkam ngin sa leh beit”.

Ka Assam mynta kala kylla long ka ktem ba thymmai jong ki lehnoh Jihadi kiba don jingiadei bad ki kynhun lehnoh na Bangladesh bala tip kum ka Ansarullah Bangla Team (ABT), kaba dang shu pynkha mynta dang san bnai, ong u Myntri Rangbah ka Assam Himanta Biswa Sarma hynne ka sngi palei.

Hynriew ngut ki nong Bangladeh kiba dei jong ka Ansarul Islam kila wan rung sha Assam ban pynrung dkhot ia ki samla. Uwei napdeng kine, ula shah kem ha u bnai Lber mynta u snem na Barpeta.

U Himanta ula ong ba katba ym pat iohkem ia ki 5 ngut kiwei pat, ka Tnad Pulit kan ym shongthait ban thwet ia kine ki briew. Ula pyntip ba haduh mynta, ka Tnad Pulit kala iohkem haduh 29 ngut ki dkhot ka Ansarullah Bangla Team (ABT) napoh Assam.

Share post:

spot_img
spot_img

Popular

More like this
Related

Thoh ka Sorkar sha ka UGC ban ithuh noh ia ka Captain Williamson Sangma University

Baroh ki College Sorkar bad ki Aided kin hap...

Kular ka DGP ban leh eiei halor ki nongpynkulmar shnong bad ki jingeh ki PWD

Shillong, Jymmang 30: Ka Director General of Police (DGP)...

Kurup ka Tnad Custom ia ka bniat hati ba khia 27 kilo

Shillong, Jymmang 30 : Ha ka jingkhynra pyrshah ia...

Kyndit ka KSU ba phah pyniasoh ka Sorkar ia ki College sha ka Williamson Sangma University

Shillong Jymmang 30: Ka Khasi Students Union kala pynpaw...
spot_img