Shillong Nailar 05: Ka ïingkashari Meghalaya High Court hynnin ka sngi palei, kala ai por 4 taiew iaka sorkar jylla ba kadei ban shimkhia ha kaban pynbiang ia ki jaka sumar sha ki nong shongshnong ka Jylla.
Ka iingkashari kala pynmih ia katei ka hukum hadien ka jingbishar iaka Public Interest Litigation (PIL) da ka Kashari ki ar ngut ki nongbishar Aiñ kiba la pynpaw, ba hashwa ba ka iingkashari kan shim rai ba ka lah ban don ka jingbym shimkhia naka liang ki bor sorkar, kumta la aipor sa 4 taiew ba kan leh eiei”
Ka iingkashari kala ong ba ka Affidavit kaba la dep leh thymmai halor ka hukum ba la pynmih ha ka 13 tarik u Naitung, kam shim la paw satia ba kan don kano kano ka jingpynjanai ne ka jingshimkhia ban pynbiang mardor ia ki lad ai jingsumar sha ki nongshong shnong ha ki kyndong kynshrot.
“Ka long kaba biang ban don ia ki jingthmu ne ki plan treikam naka bynta ki snem ban dang wan, hynrei ym dei pat ban kyntait ia kiba la don lypa mynta” la pynpaw ka iingkashari kaba la buh ban bishar biang ia kane ka kam ha ka 2 tarik u Nailur.
