Shillong, Nailur 08 : U Lamphang ka Iingdorbar Thaw Ain Thomas A Sangma, ula pdiang sngewbha ia ka Dr Mehtab Chandee A Sangma, ka kurim u Myntri Rangbah Conrad K Sangma, kum ka MLA ba thymmai ka Gambegre Constituency hapoh ka Iingdorbar Thaw Ain ha ka sngi Nyngkong.
“Ngi pdiang sngewbha ia phi kong sha kane ka Iingdorbar Thaw Ain” ong u Thomas.
Ka Dr Mehtab kala shah jied kum ka MLA ha ka elekshon shiteng samoi ba long ha u Naiwieng 2024, da kaba jingioh haduh 12,678 vote pyrshah ia ka nongiakhun pyrshah ba hakhmat eh, ka Sadhiarani Sangma jong ka Trinamool Congress, kaba liem da 4594 vote.
Ka shuki MLA ka Gambegre kala lait thylli hadien ka jingiehnoh kam u Saleng A Sangma, u MLA ba lai samoi, hadien ba u la shah jied noh kum u MP ka Lok Sabha na Tura Constituency.
Ka jingjop ka Dr Mehtab ka dei ka jingjop ba kongsan ia ka National People’s Party (NPP), kaba la kiew ia ka jingdon paid ha Iingdorbar sha ka 32 ngut.
