Shillong, Naitung 10 : U National President ka National People’s Party (NPP) bad Myntri Rangbah ka Jylla Conrad K Sangma ha ka sngi Balang, ula pyntip ba ka National Committee ka party kan dang ban rai halor ka jingai jingmut bala phah da ka State Committee haba iadei bad u/ka kyrtong ban iakhun ia ka elekshon shiteng samoi ha Gambegre.
U Conrad ula pyntip ia kane haba jubab ia ka jingkylli la ka NPP kala mynjur ia ka kyrteng jong kurim jong u, ka Dr Mehtab Chandee Sangma ban long ka kyrtong.
“Ngi la ioh ia ki jingai jingmut na ka State Committee ka NPP hynrei ka National Committee kan dang ban shong iakren. Tad hadien bala shong ka National Committee ban iakren ia kane ka jingtyrwa, kan sa shim ia ka rai. Ngi dang ap ia kata kumta ka long kaba eh ia nga ban jubab mynta” ong u Conrad.
U pyntip ba kane ka kam ka dang dei ka bym pat lah ban pyntip paidbah.
