Shillong, Jylliew 08: U Symbud myntri Rangbah ka jylla u Bah sniawbhalang Dhar ula ong ba ula ioh jingtip ba ka Harijan Panchayat Committee (HPC) kala mynjur iaka Blueprint jong ka sorkar tangba ki kwah pat don katto katne ki jingpynkylla.
“Ki tyllong khubor kila iathuh ia nga ba ka Harijan Panchayat Committee kila pdiang iaka jingtyrwa bad iaka Blueprint jong ka sorkar jylla hynrei ki kwah pat ban don katto katne ki jingpynkylla ha ka Blueprint kumba la paw ha ka jubab kaba kila phah sha ka iingkashari” ong u Symbud Myntri Rangbah ka jylla u Bah Sniawbhalang Dhar uba long ruh u Myntri Kam pynroi sor.
Ula ong, “Namar ba kila pdiang ia ka jingtyrwa kumta ki lah ban wan iakynduh bad ban Iakren bad ka sorkar jylla bad kam don satia kano kano ka jingeh”.
U Bah Sniawbhalang ula ong, ka HPC ka lah ban wan iakren bad ka sorkar ban pynpaw ia kita ki bynta kiba ka kwah ban pynkylla bad lada ki long kiba biang ka sorkar kan iaid shakhmat hynrei lada shem ba ki long kiba eh, ka sorkar jylla kan ym pdiang.
U Symbud Myntri Rangbah ula ong, haduh mynta ym pat tipshai kiei kita ki mat kiba ka HPC ka kwah ban pynkylla namar kim pat wan iakynduh iaka sorkar jylla bad kumta kin ap shwa iaka jingtyrwa kaba wan na ka HPC.
Dang hynin ka sngi ka iingkashari ka la shong tian bishar ha kaba iadei bad ka jingthmu pynkynriah ia kiba shong basah ha Them Metor sha kawei pat ka jaka.
U Advocate General ula pyntip hapoh ka iingkashari ba ka Harijan Panchayat Committee (HPC) kala mynjur ia ka Blueprint/Plan bala pynkhreh da ka Sorkar Jylla hynrei kala buh ia ki jingai jingmut ban pynkylla pat ia katto katne ki bynta jong ka.
Namar ba ka Jylla ka dang khmih ia kine ki jingai jingmut ban pynkylla, kumta ka iingkashari kala buh tarik ban shong bishar biang haka 3 tarik u Naitung 2023.
 kala mynjur iaka Blueprint jong ka sorkar tangba ki kwah pat don katto katne ki jingpynkylla.){kind=link}