Shillong, Jylliew 14: Haduh 1681 ngut na ki 3869 ngut ki samla ka jylla Meghalaya ki la pass ia ka National Eligibility cum Entrance Test – NEET(UG) 2025, kat kum ka result bala pynbna da ka National Testing Agency (NTA) mynta ka sngi.
Ki don 4068 ngut ki samla pule ka jylla Meghalaya kiba la pynrung kyrteng na ka bynta ka Entrance Test ha kaba 3869 ngut ki la iakhun iaka eksamin bad 1681 ngut ki la pass iaka NEET(UG) 2025.
Ha u snem 2024, la pynrung kyrteng haduh 4009 ngut ki samla ha kaba 3815 ngut ki la iakhun bad 1849 ngut ki la pass iaka eksamin NEET (UG) 2024.
Ka NTA ka la pynlong ïa ka National Eligibility cum Entrance Test (UG) 2025 na ka bynta palat 22 lak ngut ki samla pule ha ki 5468 tylli ki centre bapher bapher kiba don ha ki 552 tylli ki nongbah ha kylleng ka ri bad 14 tylli ki nongbah shabar ka ri India ha ka 4 tarik Jymmang 2025.
Ia kane ka eksamin la pynlong ha ki 13 tylli ki ktien kata Assamese, Bengali, English, Gujarati, Hindi, Kannada, Malayalam, Marathi, Odia, Punjabi, Tamil, Telugu bad Urdu.
Ia kane ka eksamin la pynlong ruh ha ki 14 tylli ki nongbah shabar ka Ri India kynthup ha Abu Dhabi, Dubai, Bangkok, Colombo, Doha, Kathmandu, Kuala Lumpur, Kuwait City, Lagos, Manama, Muscat, Riyadh, Sharjah bad Singapore.
 2025, kat kum ka result bala pynbna da ka National Testing Agency (NTA) mynta ka sngi.){kind=link}