Shillong, Jylliew 14 : Namar ka elekshon Garo Hills Autonomous District Council (GHADC) kan sa long ha u 2026, ka United Democratic Party (UDP) kala aiksai ba kan sei kyrteng ban iakhun ha ki katto katne ki constituency, lada ym dei ia baroh. Ka party kala sdang ban ithuh ia ki kyrtong ba ikop ba jop, haba pynpaw ba ka dang kloi palat ban pynbna.
Haba iakren bad ki nongthoh khubor ha ka sngi Thohdieng, u President ka UDP Bah Metbah Lyngdoh ula ong “Ngi la shong jingialang dang shen ha Ri-lum Garo, ka mat jong ka jingiakren kala mih ba kumno ngi sngew halor ka jingiashim bynta ha ka elekshon MDC. Hynrei nga sngew ba ka dang kloi palat ka por. Ngi la sdang ban ithuh ia ki katto katne ki kyrtong ba don jingkyrmen ban jop kiba ngin sa pynieng. Lada ym dei baroh ki constituency, kan longha ki katto katne”.
Haba kylli la ka UDP ka don jingthmu ban iatreilang bad kano kano ka seng sain pyrthei ha kane ka elekshon ha Ri-lum Garo, u Bah Metbah ula kren shai “ Em, kan ym don ka jingiateh lok. Ngi la rai ban iaid marwei”.
Ka UDP ia mynta ka don tang uwei u MDC ha GHADC-Ashahel D Shira ba na Rajabala, West Garo Hills.
U Bah Metbah ula kubur ia ka jingduna haka jingdon MDC hynrei ula pynpaw ia ka jingkyrmen ba kin sa nang bun. “Ia mynta ngi don tang ia u Ashahel D Shira kum u MDC jong ngi. Une u dei u MDC ba marwei nangtei. Ha kajuh ka por, ngin pyrshang ban peit kumno ba ngin nang ioh bun ki MDC” ula ong.
 kan sa long ha u 2026, ka United Democratic Party (UDP) kala aiksai ba kan sei kyrteng ban iakhun ha ki katto katne ki constituency, lada ym dei ia baroh. Ka party kala sdang ban ithuh ia ki kyrtong ba ikop ba jop, haba pynpaw ba ka dang kloi palat ban pynbna.){kind=link}