spot_img

Pan por ka Sorkar shibnai ban maramot ia ka jingkieng Mawlyndep

Date:

Share post:

Shillong, Iaiong 28: U President ka Meghalaya Commercial Truck Drivers and Owners Association (MCTOA) u Bah Mosklandar Marngar u la ïathuh ba ka Sorkar ka la pan por shi bnai ban maramot iaka Jingkieng ha Mawlyndep kaba pyniasoh iaka surok na Lad Umsaw sha Mawmaram.

Haba kren sha ki lad pathai khubor hadien ka jingïalang bad u Symbud Myntri Rangbah ka Jylla ba khmih iaka tnat PWD (Road) u Bah Prestone Tynsong, u President ka MCTOA u Bah Mosklandar u la ong ba u Symbud Myntri Rangbah u la pyntip ba ka jingkhang iaki kali ba khia 9 Ton ban iaid kadei na ka daw ka jingsdang jynsor ka Jingkieng ha Mawlyndep.

U Bah Mosklandar u la ïathuh ba naka liang ki trai kali bad ki nongniah Trok kila pynpaw hakhmat u Symbud Myntri Rangbah halor ka jingeh jong ki ban pynpoi iaki mar mata shaki paidbah hadien ka jingkhang iaki trok ban iaid na ka surok Lad Umsaw sha Mawmaram.

U la ïathuh ba naka liang u Symbud Myntri Rangbah u la kular ba ka tnat PWD kan shna iaka Subway bad haka juh ka por ban maramot iaka Jingkieng khnang ban shah biang iaki Trok ban iaid.

“U Bah Prestone u la kular ban pyndep iaka Subway bad ban maramot iaka Jingkieng ha Mawlyndep hapoh shibnai khnang ban ki trok kiba kit palat 9 Ton ruh kin ioh ban biang na Lad Umsaw sha Mawmaram” la ong u Bah Mosklandar.

U Bah Mosklandar u la ïathuh ba haka jingïalang ka MCTOA kala kyntu ruh iaka Sorkar ban wad daka surok thymmai ban shah iaid iaki Trok katba ka tnat PWD ka dang pyntrei iaka Subway bad iaka Jingkieng. “U Symbud Myntri Rangbah un hap ban ïakren pynbeit shwa bad u SP East Khasi Hills bad SP (Traffic) bad ka tnat Transport ban wad surok ban shah iaid aiki trok namar ki kali kiba iaid na Lad Umsaw sha Mawmaram ki don daki spah tylli namar lada ki Trok ki iaid na sor Shillong bad lada tang 4-5 tylli ki Trok ki duh sha shiteng lynti, ki paidbah hi kin ngat iaka jingeh namar ka jingdheng kali” u la ong.

Share post:

spot_img
spot_img

Popular

More like this
Related

Iatakhuh jingeh ka Shillong Ropeway Cable Car Project ba shah ujor mukotduma

Shillong, Naitung 29 : Ka Shillong Ropeway Cable Car...

Pynkhreh shaid shaid ka Sorkar ban pynkylla jaka iaid kjat ki paidbah ha Khyndailad

Shillong, Naitung 29 : Ka Sorkar Jylla kala pynkhreh...

Maham ka ANTF ia ki trai Iing bad kali ba pyndonkam ha ka kam khaii droks

Shillong, Naitung 29: U Superintendent of Police (SP) ka...