Shillong, Naitung 02 : Ka Meghalaya High Court ha ka sngi Balang kala bthah ban aiti ia ka kaiphod ba thymmai ia kaei kaba jia ba man halor ki mukotduma ba don bynta ki MP bad MLA, hadien ba pyntip ba kawei la mukotduma ha East Khasi Hills la ap ban phah sha ka Iingkashari Distrrict Council bad kawei ha North Garo Hills, ka dang ap ia ka jingiasaid ba khatduh.
U Justice HS Thangkhiew ula pynpaw ia kane ka hukum ha ka Re-Designated Courts for MPs/MLAs, WP(Crl.) No. 9 of 2023.
Ka Iingkashari kala shong bishar ia ka suo motu case ba iadei bad ki iingkashari kiba bishar ia ki mukotduma ki MP bad MLA.
U Nongiasaid ain ka Sorkar R Colney ula aiti ia ka kaiphod na ka bynta ki nongmudui ka Jylla ba iadei bad ka jingiaid jong ki mukotduma.
Ka Iingkashari kala pdiang ia kane ka record bad buh ha ka record haba buh ruh ban tian bishar biang ia kane ka mukotduma ha ka 3 tarik Nailar 2026, na ka bynta ka kaiphod ba thymmai.
