Shillong, Jylliew 19: Ka Myntri ka tnat ka koit ka khiah kkong Ampareen Lyngdoh kala pyntip ba kala pan kaiphod naka tnat Animal Husbandry & Veterinary bad ka tnat ri Dohkha haba iadei bad ki jingpang ba ia bit ki Masi bad ba lap dawai dawai formalin naki Dohkha.
“Nga la pan kaiphod na kine artylli ki tnat ban sngewthuh sa haduh katno yn hap khang ban die doh masi ne dohkha ba wnarah napoh ka jylla” la ong ka kong Ampareen.
Ka kong Ampareen kala iathuh ba ka ei ka kamram jong ka sorkar jylla ban pyntip sha u paidbah lada don kano kano ka jingma ha jingbam jong kano kano ka jait bam.
Kala ong baka sorkar ka la pyntip ba la lap ba ka don ïa kita ki bynta jong ka dawai kiba ktah ia ka koit ka khiah hynrei kam thew ba ka kwah ban khang ïa ka bylla jong no jong no hynrei ka dei ban pyntip sha u paidbah ba tad haduh ban da la lap ba ka dohkha ka la long kaba bit kaba biang ban bam.
“Ki don kita ki khñiang jingpang ba la shem da ki tnad sorkar ba don kum kita ki jait khñiang jingpang ha kita ki doh kiba ju mlien ban bam ki nongshong shnong ka jylla bad dei namar kane ka sorkar ka kyntu ba ki paidbah kin shim khia ïa kane khnang ban lait na kano kano ka jingjia kaba sngewsih ha ka imlang sahlang” la ong ka kong Ampareen.
Pule ruh: Iakynduh ka HYC ia ka Myntri ba shakri ki jaka ai jingsumar ka WKHD hapdeng shibun ki jingduna
