Shillong, Jylliew 19: U Myntri ka tnat Animal Husbandry & Veterinary bah A.L Hek ula pyntip baka tnat ka don jingthmu ban phah test iaki Dohkha ba wankit na bar jylla ha Pasteur Institute kaba don ha Lawmali.
“Lada ngi lah ban test iaki Dohkha ha Pasteur Institute kaba don ha Lawmali, ngim donkam shuh ban leit sha Assam bad ha ka juh ka por ki don ruh ki Mobile Respond Kit ba ka tnat kan pyntreikam ban test iaki Dohkha” ong u bah Hek.
U bah Hek ula ong ba naka liang ka tnat Animal Husbandry & Veterinary kala pan kham bun shuh shuh iaki Mobile Respond Unit khnang ban ioh leit sha kylleng ki iew jong ka jylla ban test iaki Dohkha, ioh ki dei kiba khleh dawai Formalin kaba ktah iaka koit ka khiah jong ki paidbah.
Ula ong ba haka jingialang bad ka tnat Animal Husbandry & Veterinary, kala don ka jingiathir kaba jur ban don noh daka jaka ban eksamin ia baroh ki Dohkha kiba wan na bar jylla.
Haba kylli halor ka jinglap ka Fact Finding Committee, u bah Hek ula iathuh ba haduh mynta ka Committee kam pat aiti iaka kaiphod halor ka jingsuba lap dawai Formalin hynrei shen ki ophisar kin sa leh iaka ba donkam.
Pule ruh: Pan kaiphod ka Myntri ia ka jingpang LSD ki masi bad khleh formalin ia ki Dohkha
