Shillong, Iaiong 18: Ka Meghalaya Human Rights Commission (MHRC) kala ai por 15 sngi ia u Director General of Police ka Jylla ban aiti ia ka kaiphod kaba pura halor ka jingmih khubor “Naba shah kynnoh ai Taro, tait shnong ka longkmie ha ka Dorbar Shnong Lumlakhait”.
U Secretary ka Meghalaya Human Rights Commission ula pyntip ba ka MHRC kala shim da ka ‘Suo Moto’ hadien ba kala mih ha ka kot khubor “Naba shah kynnoh ai Taro, tait shnong ka longkmie ha ka Dorbar Shnong Lumlakhait” ha ka 16 tarik u Iaiong 2024.
Ka MHRC kala ai notis ruh ia u DGP ka jylla ba udei ban aiti ia ka kaiphod kaba pura hapoh 15 sngi halor katei ka jingjia.
