Shillong, Nailur 08 : Ka Meghalaya SSA School Association (MSSASA) kala pan jingpynshai na ka Sorkar Jylla halor ka hukum ba dang shen jong ka Iingkashari Supreme Court ba pynlong kongsan ia baroh ki nonghikai ba kin pass ia ka Teachers’ Eligibility Test (TET) hapoh arsnem.
La ong ba lada kim pass ia ka TET, ka lah ban lam sha ka jinghap shongthait noh bad ioh ia ki jingmyntoi bala pynkut kam.
“Kum ka kynhun ba don bynta ha ka kam pule dangle, ngi kwah ban sngewthuh ia ka nongrim jong ka Sorkar Jylla halor kane ka hukum ka Iingkashari Supreme Court bad kumno yn pyntreikam ha Meghalaya” ong ka MSSASA ha ka shithi sha u Commissioner & Secretary ka Tnad Education Vijay Mantri ha ka sngi Nyngkong.
Ka Association kala pynpaw ba ka jingtbin lynti bad jingpynshai jong ka Sorkar kan iarap shikatdei eh ban weng ia ki jingsngewkhia jong ki nonghikai ha ka Jylla. La kyrpad ruh ia ka Sorkar ba kan ai jubab da ka jingthoh ban pynthikna ba kala don ka jingiasyllok kaba janai bad ba ki nonghikai kin ioh ia ki jingtip bad jingkyrshan.
 kala pan jingpynshai na ka Sorkar Jylla halor ka hukum ba dang shen jong ka Iingkashari Supreme Court ba pynlong kongsan ia baroh ki nonghikai ba kin pass ia ka Teachers’ Eligibility Test *TET) hapoh arsnem.){kind=link}