Nongpoh, Nailur 08 : Ka Hynniewtrep National Youth Front (HNYF), Northern Region, kala maham tyngeh pyrshah ia ka jingiaid ki trok kit khia na surok Umrit-Umdu, Ri-Bhoi, namar ka jingjulor jong ka surok bad buh ha ka jingbym shngain ia ka leit ka wan ki paidbah.
Ka surok, kaba pyniasoh ia ka shnong Umdu bad ka Umrit, kala sakhi ia ka jingtwa khyndew bad jing shah rong ka khyndew ha ka um na ka por sha ka por. Ka jinglong jingman kala ima hajan jong ka Jingkieng ba don ha kanen ka surok, kaba buh ha ka jingbym shngain ia ki nongleit nongwan ba man ka sngi.
Hapoh ka jingialam u General Secretary Alfred Malai, ha ryngkat u Secretary ka 20 Mer Circle Vincent Sylliang, ka HNLC kala maham ia ki trai bad ki nongniah trok ban pyniaid ia ki trok ba kit khia na kane ka surok, haba ban jur ba ka jingiaid jong ki, ka buh ha ka jingma ia ki trai shnong.
Kane ka kynhun kala leit iakynduh ruh ia u Additional Deputy Commissioner ban pynsngew ia ki jingeh jong ki paidbah namar ka jingiaid laitlan ki kali khia. U ADC ula kular ia ka kynhun ba ki bor District kan sa shimkhia ban leh eiei halor kane ka kam.
Ha kajuh ka por, ka HNYF kala kyntu ia ki bor district ban pyrrkhing noh mardor ia ka jingiaid ki trok kit khia na kane ka surok bad pynjari ia ki kyndon khnang ban nym pynsniew shuh shuh ia ka surok bad pynthikna ia ka jingshngain ki nongleit nongwan.
, Northern Region, kala maham tyngeh pyrshah ia ka jingiaid ki trok kit khia na surok Umrit-Umdu, Ri-Bhoi, namar ka jingjulor jong ka surok bad buh ha ka jingbym shngain ia ka leit ka wan ki paidbah.){kind=link}