spot_img

Pan jingkyrshan ka Draupadi Murmu na ki MLA ka Jylla ban jop ha ka elekshon President

Date:

Share post:

Shillong, Naitung 06: Ka Kyrtong iakhun President jong ka National Democratic Alliance (NDA) ka Draupadi Murmu, hynne ka sngi balang, kala kyrpad ia ki Nongmihkhmat ka Jylla ba kin ai jingkyrshan ia ka ha ka elekshon President ban long ha ka 18 tarik Naitung.

Ia ka Murmu kaba la wan poi hynne ka sngi ha Jylla, la pdiang burom iaka da u Myntri Rangbah ka Jylla Conrad Kongkal Sangma, u Lamphang ka Iingdorbar Bah Metbah Lyngdoh bad ki Nongialam ka BJP ha Umroi Airport bad la synran ia ka sha Orchid Lake Resort, Umiam.

Ka Murmu kala ai jingkren hakhmat ki MLA bad ki MP jong ka Jylla ha ka jingiadonlang u Myntri ka Sorkar Pdeng u Sarbananda Sonowal bad kiwei kiwei ki kynrem ki lyndan.

U MLA ka All India Trinamool Congress na Mawsynram, Bah Himalaya Shangpliang u dei uwei napdeng ki MLA ba wan sha kane ka jingialang bad u MLA ba marwei jong ka AITC ba poi sha ka jingialang.

“Ka Jylla Meghalaya kan ai ka jingkyrshan ia ka kyrtong ka NDA ha ka elekshon President” ong ka Draupadi.

“Kum ki paid riewlum, kan dei ka burom jong ngi ban ai ia ka jingkyrshan ia ka Longkmie Riewlum ba nyngkong eh ba kan long ka President ka Ri” ong u Conrad Sangma ha ka twitter.

U Vice President ka BJP Bernard N Marak ula pyntip ba ka Murmu ha kane ka jingwan iuhkjat jong ka ha Jylla, kala kyrpad ia ki MLA bad ki MP ba kin vote ia ka ha ka elekshon President.

Haba pynpaw ba ka por kala dei ban ialehkmen, u Bernard ula ong “Kane kan dei ka sien ba nyngkong ba ki riewlum kin shah jied kum ki kyrtong bad ruh ban long ka Kynthei na ki paid riewlum ba nyngkong eh ha ka Ri ban iakhun ia ka elekshon President”.

“Wat ka Sorkar Jylla, ki MLA, ki MP kila kyrshan ia kane ka sienjam bad kyrmen skhem ba bun na ki MLA jong ngi kin ai ia ka vote jong ki sha ka Murmu” ula ong.

Ha kajuh ka por, ka Murmu ha kane ka sngi kala kyntait ban iakren bad ki nongthoh khubor da kaba ong “Ngan sa kren ynda nga la wan biang”.

Share post:

spot_img
spot_img

Popular

More like this
Related

Hukum ka Iingkashari ia ka sorkar ban pynbteng shuwa ia ka hukum halor ka kam Aadhaar

Shillong, Nailar 31 : Ka Iingkashari Meghalaya High Court...

Kyrpad ka High Court ia ka SC ban ialad tian bishar hi ia ka PIL halor ki ksew iaid wir

Shillong, Nailar 31 : Ka Iingkashari Meghalaya High Court...

Kem ki Pulit Ri-Bhoi ia u Pulit Assam ba thmu leh beijot ia i Khynnah

Nongpoh, Nailar 30 : Ki Pulit ka Ri-Bhoi District,...

Assam | Pyntip u CM ba pynphai biang ia ki nong Bangladesh kat kum ka Immigrant Expulsion Act

Guwahati, Nailar 30: U Myntri Rangbah ka jylla Assam...