Shillong, Lber 05 : U Nongaibuit ka Tnad Social Welfare Bah Paul Lyngdoh ula iathuh ba ka jingiakynduh jong u bad u Myntri ka Sorkar Pdeng Dr Virender Kumar kala iaid bha bad la ioh ia ka jingkular ba yn sa pynlait noh ia ki jingsiew ba sah jong ki Seng trei mon sngewbha bad ki Self Help Group
Haba iakren bad ki nongthoh khubor, u Bah Paul ula iathuh “Ng la iakynduh ha u bnai Nailar jong u snem bala lah ha Shastri Bhavan ha Delhi ha ka jingiadonlang u Myntri Rangbah ka Jylla jong ngi bad bun ki kam kiba kongsan kila sahdeng. Mynta ka kynti, ha Shillong, ngi lah iakren ia ki”.
Ka jingmih kaba kongsan, u ong, ka dei ka jingkular u Myntri halor ka song pisa.
“Ka song pisa na ka bynta ki Seng trei monsngewbha bapher bapher bad SHG ba treikam bad ka Social Welfare-ki pisa ba sahteng-mynta yn sa siew khuid noh kat kum ka jingkular jong u” ula iathuh.
