Guwahati, Lber 5: Ka jingkhih phaloh ka sain pyrthei ba thymmai kaba la paw pyrthei mynta hapoh ka seng All India United Democratic Front (AIUDF) hadien ka jingiehnohkam u MLA ka Hailakandi u Zakir Hussain Laskar na kane ka party.
U Hussain u la iehnohkam na ka party AIUDF hadien ba um sngewhun ïa ka jingtreikam jong ka party ha shwa ka elekshon ha Assam.
Katba u MLA um shym la pynpaw paidbah ïa ki daw kiba la pynlong ïa u ban mih noh, hynrei ka jingmih noh jong u ka wan ha ka por ba ka seng ka dang ïakhun pyrshah ïa ki arngut ki nongthaw aiñ jong ka.
Kham mynshwa, ka central committee jong ka AIUDF ka la pynmih ïa ki hukum ban sospon ïa u Abdul Aziz, MLA na Badarpur bad u Karim Uddin Barbhuiya, uba la long ruh kum u vice president jong ka seng.Baroh arngut ki nongialam ki la shah sospon na ka seng na ka bynta 6 snem namar ka jingkynnoh ba ki leh pyrshah ia ka seng.
Ka AIUDF ka la pynpaw ba ki kam jong ki, ki la ktah jur ïa ka nam bad ka burom jong ka seng bad la kheiñ ba ka dei ka jingpynkheiñ kaba jur ïa ki nongrim jong ka.Ka hukum ka la kynnoh ruh ba kitei ki arngut ki nongthaw ain ki ai jingkyrshan ia kawei pat ka seng sain pyrthei bad ki pynkhreh ban iasoh bad ka.
Ki tyllong khubor ki iathuh ba bun ki dkhot jong ka AIUDF kim sngewhun ia ka party bad ki rai ban mih noh na ka party.
Khyndiat sngi la sah sa tang ban pynlong ia ka jingthep vote ha Assam bad kiba bun ki dkhot bad ki nongialam ka AIUDF kim sngew tynnad satia ia katei ka seng bad bun na ki, ki la rai ban iehnoh bad leit pyniasoh sha kiwei pat ki seng.
Ka AIUDF ka dei ka seng kaba pynshong nongrim ha ki rit paid bad ki pynmih sur na ka bynta ki jaitbynriew rit paid hynrei ka long kumba u heh jong ka seng um shym la pynmih sur na ka bynta ki jaitbynriew rit paid.
 hadien ka jingiehnohkam u MLA ka Hailakandi u Zakir Hussain Laskar na kane ka party.){kind=link}