spot_img

Palat T.23 klur sahkut ka pisa ba pyntrei ia ka MGNREGA ha WKH

Date:

Share post:

Nongstoin, Nailar 08: Ka kynhun West Khasi Hills District Village Employment Council Association (WKHDVECA), kala leit iakynduh ia u Myntri ka Tnad C&RD Abu Taher Mondal, bad dawa ban tuklar lem halor ka jingsahkut ka pisa ba palat 23 klur ban pyllait sha ki kam bala dep pyntrei jong ka skhim MGNREGA ha West Khasi Hills.

Ia kane ka kynhun la synran da u MLA ka Rambrai-Jyrngam RG Momin bad u MDC ka KHADC Bah Lurshai Kharbani, ha ka sngi Palei.

Kane ka kynhun kala pynsngew hakhmat u Myntri ia ki jingeh jong ki nongdie tiar tei jingtei, ki nongkitkam ki VEC namar ka jingslem ban siew ia ka bill bai tiar ba da ki snem, kaba la pyntroin ia kine ki nongdie tiar namar ka ram bai tiar ba kynthup naduh ki maw, ki shyiap,ki dewbilat bad kiwei kiwei. Kala pynpaw ba kine ki nongdie tiar kim lah shuh ban kyrshan, kaba la wanrah ia ka jingeh ban pyndep ia ki project bapher bapher hapoh ki shnong.

Ka kynhun ka pyntip ba ka pisa ba sahkut tang hapoh WKH, kaba don 5 tylli ki C&RD Block kynthup ki Block ba thymmai, kala poi sha ka T. 23 klur tam haduh mynta.

La pyntip ba ha ka jingiakren, u Myntri ulapynshai ba ka jingslem ban pyllait ia ka pisa sha ki District bad sha ki Block, ka dei na ka daw ka jingpynslem jong ka Sorkar Pdeng.

Ka kynhun kala pynsngew ruh halor ki jingeh jong ki jobcard holder namar ka jinghap ban shon dur arsien shisngi khnang ban lah pynrung ia ka jingwan trei jong ki ban ioh ia ka bai bylla. Kala kdew ruh ia ka jingeh ki VEC namar ka daw ka jing bym don ia ki mobile kiba biang, ka jingbym biang ka network, ka jingbym treikam thikna ka NMMS Application bad kiwei kiwei.

Ka kynhun kala pynsngew ruh halor ka jingrit palat ka bai bylla ba ju siew sha ki jobcard holder kaba long tang T.272 shisngi ia ki Kynthei bad Shynrang. Kala kyrpad ia u Myntri ba un tuklar ha kaban pynkiew noh ia ka bai kylla kat kum ka jingiaid ka por bad ban pyniahap kat kum ka bai bylla bala buh.

Ka Association ka la kyrpad ruh ia u Myntri ban kham ai lad ban nym buh pyrkhing eh ia ki jingtrei ba ki paidbah ki donkam ha ki shnong Permissible Work), namar ba ki la bun palat ki jingteh kyndon khnang ba kin lah ban trei ia shibun ki jingdonkam ha ki shnong kum ka kynroh bad kiwei kiwei de.

Share post:

spot_img
spot_img

Popular

More like this
Related

Pynkynriah kam ka Sorkar ia ki Ophisar naduh IAS haduh MCS

Shillong, Nailar 08 : Ka Sorkar Jylla ha ka...

Khynra ka FKJGP ia ki karkhana ha Byrnihat ba suba ai jaka rieh ia ki mynder ba kyndang na Assam

Byrnihat, Nailar 08 : Ka Federation of Khasi Jaintia...

Assam | Iakhih tyngeh ka AASU ba weng ka Sorkar ia ki case CAA pyrshah ia ki Hindu ba wan na Bangladesh

Guwahati, Nailar 08: Ka All Assam Students’ Union (AASU)...

Thung ka UDP ia u Bah Titos kum u Secretary General ba thymmai ka Seng

Shillong, Nailar 08 : Ka United Democratic Party (UDP)...