spot_img

Operation Dawn 2.0 | Sdang ka Arunachal ban jynrat ia ki jaka rep poppy ha Dibang

Date:

Share post:

Itanagar, Jymmang 12: Ha ka sienjam kaba nyngkong eh ia kaba ym pat ju jia koit mynno mynno , ki pulit ka Dibang Valley District ha Arunachal Pradesh ki la leit ban jynrat ia ki jaka rep syntiew poppy (poppy plantation) kaba long beain ha ka thain ha ka jingiakhun pyrshah ia u drug hapoh ka Operation Dawn 2.0.

Haba leh mar mar hadien ba la ioh jingtip na ki tnad syntiat, kawei ka kynhun kaba la ialam da u Sub-Inspector (SG) Chote Lal Sahani bad u Executive Magistrate u Dr. Kajum Mara ha ka step phyrngap jong ka 10 tarik mynta u bnai Jymmang kila pynlong ka jingkhynra hajan ka shnong Angrim Valley, kaba don hapdeng ka Anini–Dumbuen Road bad ka Dri River.

Kaei kaba ki la lap ka long kaba phylla: 110 meter square ki jingthung poppy kiba phuh syntiew, kiba la rep rieh ha ka jaka khlaw kaba dei ruh ka sien ba nyngkong eh na ka bynta ka Dibang Valley.

Ka kynhun pynjari aiñ ne ka kynhun enforcement ki la lum thup lyngba ki jingthoh ïa ka jingtreikam da ki dur bad ki video, bad ha ka jingdon lang ki sakhi ba laitluid, ki la kurup bad pynjot noh kumba 1 kilo ïa u symbai poppy ba dang thymmai, da kaba pynjot ruh ïa u jingthung be-aiñ ha kane ka jaka.

Da ka suo moto case (Anini PS Case No. 02/2025) la dep ban registered hapoh ka Sections 18(a)/25 of the NDPS Act, 1985, kaba pyni ia ka jingrep ia u drug bad la aiti ha u Sub-Inspector Lokmey Boluk ban lam khmat ia kane ka jingtohkit.

Katba ka distrik ka la ïohi ïa ki case kiba ïadei bad u drok bad ka jingdie be-aiñ ha ki por ba la leit noh, kane ka dei ka sien kaba nyngkong eh ban leh beit beit pyrshah ïa ka jingrep drok kaba la long ruh kum ka thma ban iakhun pyrshah ha Dibang Valley.

U Superintendent of Police u Manish Shaurya u la iaroh ia ka jingsted ban trei kam jongbaroh ar liang ba kynthup naduh ki pulit bad kumjuh ruh ki bor pyniaid district bad u la bynrap ruh ba kane ka jingkhynra kan ym dei tang ka khubor kaba khlain sha kiwei pat hynrei ban tip ruh sa ia kiwei de ki jaka kiba rep ia une jait.

“Kane kadei tang ka jingsdang bad ngi kut jingmut ban gin pynduh jait ia ki jingeh ba mih na u drug kiba dei naduh tynrai,” ong u SP Shaurya.

Share post:

spot_img
spot_img

Popular

More like this
Related

Assam | Pynkhreh ka Goalpara District ban kyndang ia ki Iing beain na Paikan Reserve Forest

Guwahati, Naitung 10: Ki bor District ka Goalpara kala...

Pynthikna ka Sorkar ban leh tyngeh ia ki nongthombor pyrshah ia ki Kynthei bad Khynnah

Shillong, Naitung 10 : U Myntri ka Tnad Social...

Mynjur ka Sorkar ia 3 tylli ki Rule ban wanrah ia ka bishar kam bymman kaba shai ha Jylla

Shillong, Naitung 10 : Ka Kynhun Myntri ka Sorkar...

Rai ka Sorkar ban pynduh noh ia ka Interview ha ka thungkam Group-D

Shillong, Naitung 10 : Ha ka jingpyrshang ban nang...