Nongpoh, Kyllalyngkot 03: Ka long shisha ka jingkyrkhu ka ba khraw iaki nongshong Shnong jong ka shnong Sohkhwai bad iaki shnong kiba para marjan ha ka ba mynta ka sngi, na ka liang u MLA ka Nongpoh constituency u bah Mayralborn Syiem u la leit ban plie ia ka ïing skul ka ba thymmai jong ka skul Sohkhwai Government LP School ka ba don ha ka shnong Sohkhwai bad ia katei ka ïing Skul la tei haka jinglut ka ba 37 lakh tyngka lyngba ka tnad Pule puthi jong ka sorkar jylla.
Kum ban shu kdew hangne Ia kane ka ïing skul la dep ban buh mawnongrim da u bah Mayralborn Syiem ban sdang tei Ia kane ka ïing skul ha ka 21 tarik ïaiong 2022. ha kane ka sngi ka 2 tarik u kyllalyngkot 2022 la lah ban plie paidbah noh Ia katei ka ïing skul, ha kaba la sakhi ba kane ka ïing skul kaba don haduh 6 tylli ki kamra klas ka la long kaba ibit ban ai noh iaka jingshakri sha ki kynnah skul jong katei ka thaiñ.
Ha kane ka sngi lawan ban plie la wan ban Ia Don ryngkat lang da u bah Balajied Rani MDC ka Nongpoh, ka kong P L Nonglait DSEO Ribhoi, u Bah Vincent Nianglang DMC, District Unit, u bah Biren Rani CRC Niangbari, U bah Diang Namsaw, Vice President ka SMC, Bah Briestar Sylliang President SMC, ki ophisar naka tnad pule puthi, ki rangbah shnong, ki khynnah skul, ki nonghikai lem bad ki paidbah nongshnong shnong ka Sohkhwai.
Haba kren ha katei ka sngi, naka liang u Bah Mayralborn Syiem, u la ai khublei iaka Managing Committee ba ka la pyntrei hok iaka kam haduh ban da ieng kane ka skul thymmai, u la kyntu ruh iaki heprit ba kin dang pule minot haduh ba kin da long briew man briew ha ka jingim bad ban long ruh ki khynnah kiba tip iala ka akor ka burom,
Naka liang ki nongialam jong ka skul, ki la pynpaw ka jingsngew kmen kaba khraw ha kaba mynta ka sngi ki la ioh ban rung haka ïing skul kaba thymmai bad kaba skhem, ki la iathuh hakan ïing skul rim haba long skul ha kipor slap ki khynnah skul bad ki nonghikai ki hap ban pyndonkam daki shatri hapoh kamram klas namar ka jingjot jingpei jong ki tin sop. Ha kane ka sngi ki la pynpaw ka jingsngew nguh iaki nongmih khmat kynthup ruh iaki ophisar ka tnad pule puthi ba ki la lah ban pyn urlong ia kane ka jingangnud jong ki ba bun ban ïoh noh iaka ïing skul kaba skhem.
