Shillong, K’lyngkot 3: U kyrtong ka NPP na Pynthorumkhrah constituency, u Bah Rocky Hek, hynne ka sngi Baar ula pyllait iaka kali kit nongpang ne Ambulance bad ula aiti ia katei ka kali sha ka Lumshyiap Dorbar Shnong.
T. 7 Lak la bei tyngka lyngba ka Chief Minister Special Development Fund na ka bynta katei ka ambulance.
Ha katei ka sngi, u Bah Hek ula sam ruh iaki Work Order kaba T.10 lak na ka bynta ban shna pynbha iaka madan football jong ka shnong lyngba ka jingiarap na ka Chief Minister Special Development Fund.
U Secretary ka Lumshyiap Dorbar Shnong u Bah KP Phawa, ula ong ka jingioh ia kane ka ambulance kan ai jingmyntoi shibun ia ki nongshong shnong ha ka por ba ki donkam kyrkieh ban kit ia ki nongpang sha ki jaka sumar.
