Shillong, Naitung 12 : U Nongialam ka UDP bad u Myntri ka sorkar Bah Paul Lyngdoh hynne ka sngi Balang ula ong ba ka seng UDP ka iengskhem ha ka jingkular ba ka jingialong kawei jong baroh ki jaidbynriew kum ka jingngeit jong ka ri India ka dei ban ieng bad ba synshar radbah.
“Ka jingialong kawei hapdeng ki Jaidbynriew bapher bapher ka long kaba shai kdar.Ngi don ia ki jaidbynriew bapher bapher bad ki jingngeit kiba pher hynrei ngi ialong lang kawei” ong u Bah Paul Lyngdoh haba iakren bad ki nongthoh khubor ha kaba iadei bad ka nongrim kaba ka UDP ka ieng halor ka Uniform Civil Code (UCC).
Ula iathuh ba ka UDP kala dep ban pynlong ia ka jingiakob iatai nia hapdeng ki samla college halor ka UCC. Ula ong, ka UDP kan sa pynkhreh iaka dorkhas ban sap hah sha law commission.
U Bah Paul Lyngdoh uba long ruh u MDC ka Jaiaw, ula iathuh ba ka KHADC ryngkat bad ka JHADC bad ka GHADC ha u snem uba la dep, kila shim ia ka rai ban mynjur da ka Resolution ban pyrshah jur ia ka UCC.
Pule lang ia kane: Thalain u Myntri ia ka DC : Ujor sha u CM bad DyCM ba pynjari kyndon 144 CrPC ha Shillong
