Shillong, K’lyngkot 24 : U Myntri Rangbah ka Jylla Conrad K Sangma hynne ka sngi Ba-ar, ula iathuh ba um don jingtip satia ba khlem ai jingbit ban pynlong ia ka prokram u Nongialam ka Congress Rahul Gandhi ha Ri-Bhoi District.
“Ngam don jingtip satia namar ka jingai jingbit kam dei satia na ka Sorkar. Ia ka jingbit la ai ha ka kyrdan ki District da u Deputy Commissioner” ong u Conrad haba iakren bad ki nongthoh khubor.
HYnrei ula ong ba kat kum ki kot ki sla ba ula pan, la sngewthuh ba ka Congress kam shym la pan jingbit ban pynlong ia ka prokram lane aiti ia ka NoC la ka dei na u Rangbah Shnong lane na ka USTM, kiba dei ki jingdonkam ba kongsan bha kat kum ki kyndon kiba don ha ki District ban pynlong ia kano kano ka prokram.
“Lada kino kino ki political party ki kwah pynlong ia kano kano ka prokram kum kine, ki dei ban aplai ia ka jingbit ha ryngkat ki NoC hynrei ka Congress ka khlem leh ia kane” ula ong.
