Nongpoh, Nailur 30: Ka Nagaland, ka Meghalaya bad ka Arunachal Pradesh kila khur ia ka point ba nyngkong eh ha ka jingiakhun ba nyngkong jong ka lympung ialehkai 1st Senior Women Interstate Friendship T20.
Kane ka lympyng ialehkai ka dei ka ba la pynlong da ka orth East Cricket Development Council bad kala sdang hynne ka sngi Nyngkong ha madan ialehkai cricet ka Ri-Bhoi District Cricket Association (RBDCA) ha Pahamsning, Nongkhrah.
Ka jingiakhun ba nyngkong eh jong kane ka lympung ka dei kaba la ialehkai hapdeng ka Meghalaya pyrshah ia ka Arunchal Pradesh. Ka Arunachal Pradesh kala jop ia ka jingkynting pisa bad kam trai ban tied nyngkong bad kala kamai 78 run bad hap 9 wicket ha ki 20 over.
Haba wan beh pat ia ka thong, ka Meghalaya ka la ioh ban tied 78 run haduh ba kut noh ki 20 over bad hap 8 wiket kaba la pynlong ia kane ka jingiakhun ban kut noh hapdeng ka jingiakhaid. Ka samla Debasmita Dutta na Meghalaya ka la ioh khur ia ka nam Player of the Match.
Ha kawei pat ka jingiakhun hapdeng ka Mizoram pyrshah ia ka Nagaland, ka Mizoram ka la jop ia ka toss bad kam trai ban tied nyngkong bad haduh ba kut noh ki 20 overs, ka Mizoram ka la ioh ban tied bad buh ia ka thong 61 un bad hap noh 10 wiket, haba wan beh ia ka thong ka Nagaland ka la ioh ban khur ia ka namjop ba nyngkong da kaba pynliem noh da 5 wiket ia ka kynhun jong ka Mizoram kata da kaba kamai 62 run bad hap noh 5 wiket hapoh ka 12.2 over. Ha kane ka jingiakhun ka samla Limatola Ao ka la ioh ban rah ia ka nam kum ka Best Player of the match.
Haduh 6 tylli ki Jylla kila wan ban iashimbynta ha kane ka lympung ialehkai bad kine ki kynthup ia ka Nagaland, Mizoram, Arunachal Pradesh, Manipur Sikkim bad Meghalaya.
