Shillong, K’lyngkot 29 : Ka Sorkar kala mang ia ka song pisa ba T.40 klur ban shna pynbha bad siang rong thymmai ia ki surok ba kongsan ha Shillong kum ka jingpynkhreh ka Jylla ia ka jingwan ka 39th National Games.
Haba iakren bad ki nongthoh khubor ha ka sngi Palei, u Symbud Myntri Rangbah Bah Sniawbhalang Dhar ula ong “Kane ka dei shibynta na ka jingpynkhreh ka Jylla ia ka National Games”.
Ka project ka kynthup ia ka jingsiang rong thymmai ia kumba 40-46 kilometer ki surok bala sniew ha kylleng ka sor.
U pyntip ba ka jingsiang rong ia ki surok ha ka thain Laitumkhrah kila jan dep artad bad kum kane ka kam la khmih lynti ban sa leh ruh ha kiwei ki bynta jong ka Jylla ha ki bnai ba kut jong u 2026.
“Ngin sa ai rong ia baroh ki kyndon bad ki jingker (kum ka jingpynkhreh ia ka National Games)” ong u Bah Sniawbha haba bynrap ba kine ki jingpyrshang ban pynitynnad ki dei shibynta na ki jingthmu ka Sorkar ban pynbha ia ki jingtei kiba don hapoh sor.
