Nang jakhom ka PDF ba mih ki Nongialam kynthup u Myntri Sorkar shuwa ka Elekshon

Date:

Share post:

Shillong, K’lyngkot 05 : Ka seng riewlum Peoples Democratic Front (PDF) kala nang stait ha ka jingdon ki nongialam shuwa ba kan leit sha ka elekshon MLA-2023 da ka jingiehnohkam haduh laingut ki Nongseng ba hakhmat duh ka party ba kynthup ia u MLA uba bat ia ka kam Myntri ha ka Sorkar Meghalaya Democratic Alliance (MDA) ba ialam da ka National Peoples’ Party (NPP).

Kine ki Nongialam ba iehnoh kam ki kynthup ia Nongseng bad President ba nyngkong duh ka PDF bad arngut ki Working President. Kine ki dei u Bah Ivanlumlang Marbaniang President ba nyngkong duh, Bah Hamletson Dohling, MLA ka Mylliem bad u Bah Emlang Lytan, Working President.

U Bah Emlang Lytan ula aiti ia ka shithi iehnohkam hynnin ka sngi balang katba u Bah Hamlet bad u Bah Ivanlumlang kila aiti ia ka shithi iehnohkam hynne ka sngi palei. Ia kane ka shithi la aiti ha u Secretary jong ka PDF.

Na ki khubor ba ioh lum, la iathuh ba u Bah Hamletson Dohling u lah ban pyniasoh noh ialade sha ka National Peoples’ Party (NPP) bad ban mih aireng ia ka elekshon MLA-2023 na kane ka party.

Kumjuh ruh kine ki arngut ki Nongialam ka PDF ki lah ban leit iasoh sha ka NPP.

U MLA ka PDF na Umsning Bah Jason Sawkmie ruh u dei uwei na ki Nongialam uban sa mih noh na ka PDF ban leit iasoh ialade sha ka NPP.

Share post:

spot_img

Popular

More like this
Related

Kyrshan ka BJP ia ka mon u paidbah halor ka jingtyrwa wanrah lynti rel ha Jylla

Shillong, Lber 18: U nongïalam ka BJP bad Myntri...

Yn khang iaid kali ha Rngain ha ka 20 tarik Lber

Shillong, Lber 18: Ka Additional Deputy Commissioner ka East...

Ieh u Bah Hek ha ka Party ban rai iabujli shuki Myntri bad u Bah Sanbor Shullai

Shillong, Lber 18 : U Nongialam ka BJP bad...