Kohima, Naiwieng 13: Haduh 5 ngut ki briew kila iap ha ka jingjia pluh ding kaba jia ha ka thain Naharbari ha Dimapur, Nagaland hynnin ka miet sngi U Blei.
Kat kum ka jingithuh ki trai shnong, ki briew kila iap ki dei kiba dang iohthiah lyngngai hala iing ha ka por ba jia kane ka jingjia.
Kumba 50 tylli ki Iingtrep kila shah bamdung ha ka ding ha kane ka jingjia.
La suba jur ba kane ka jingjia ka lah jia na ka daw ka jingiathang bomb Diwali.
Haduh san tylli ki kali pynlip ding kila poi sha kane ka jaka ban tem ia ka ding ba kan nym pur sha kiwei pat ki Iing.
“Ngim pat da tip thikna ia ki daw jong ka jingpluh. Ka jingtohkit kala iaid mynta ban lum jingkhein ia ki jingduhnong na kane ka jingjia” ong ki bor Sorkar.
