Shillong Naitung 06: Kawei ka kali kaba la pynher sted bha da ka jingshongshit khawiang kala leit tynrah ia ka kali Scorpio kaba la shong da u MLA ka North Shillong u Bah Adelbert Nongrum bad ia kawei ka kali Maruti ha ka Lad hajan ka Nehru Park ha Umiam, hynne ka janmiet jong ka Sngi u Blei.
Ka kali Maruti Espresso kaba don ia u nombar MLO5AB 8537 kala leit tynrah nyngkong ia kawei ka kali Maruti kaba don ia u nombar ML05C 6579 bad hadien kane kala leit tynrah sa ia ka kali jong u Bah Adelbert Nongrum.
Ha kane ka jingjia ym shim la don pat mano mano ruh kiban mynsaw jur hynrei kala don tang ka jingjulor jong kitei ki 3 tylli ki kali.
Haba iakren bad u Bah Adelbert ula ong, ba ka daw jong katei ka jingaksiden kadei namar uba niah ia ka kali Maruti Espresso udei uba la shoh khawiang bad ual pynher sted bha hynrei da ka jingiada u Blei ma u ryngkat bad ka kurim, Kiaw bad ki khun kila lait na ka jingmynsaw.
Ki khun kiba dang rit jong u Bah Adelbert kila iam bad kyiuh da kaj ingtieng namar kane ka jingjia aksiden katba i Kiaw bad i kurim jong u MLA kila pang met na katei ka jingjia.
Ula iathuh ruh ba kiba don hapoh ka kali maruti kaba la shong da ki kynthei ruh kila lait na ka jingmynsaw bad wat ki shynrang kiba shong ha ka kali Maruti Espresso ruh kim shym la mynsaw.
Ki pulit jong ka Umiam Police Station kila wan poi mardor sha kane ka jaka kaba la don ka jingjia aksiden bad kila ialam ia baroh ban phah leh ia ka Medical Check Up bad ban pynlong ruh ia ka jingtohkit halor katei ka jingjia.
