spot_img

Mynta yn rah ki Pulit ia ka Sonam bad ki 4 ngut ban tian bishar ha Iingkashari

Date:

Share post:

Shillong, Jylliew 11 : Ki Pulit ka Jylla, kin rah tian bishar mynta ka step ia ka Sonam Raghuvanshi lem bad ki 4 ngut ki runar, kiba don kti ha ka jingpyniap ia u Raja Raghuvanshi ba na Indore, hapoh ka Iingkashari District & Session Judge.

Ka Sonam Raghuvanshi, kurim u Raja Raghuvanshi, kala wan poi hynne ka step phyrngap por 12:30 baje ha Shillong Sadar Police Station.

Ki 4 ngut ki runar ba kynthup ia u samla ka Sonam Raj Kushwaha, Akash Rajput (19), u Vishal Singh Chauhan (22) bad u Anand Kuli (23) kila wan poi mynta ka step por 10:09 baje eiei ha Shillong Sadar Police Station.

Ki pulit kila rah ia ka Sonam Raghuvanshi hynne ka step sha Ganesh Das Hospital ban phah leh test halor ka jingsuba ba ka armet hynrei hadien ka jingleh ia lai tylli ki test, la pynthikna ba kam pat armet satia.

Ia kine ki 5 ngut ki briew bala iohkem na Madhya Pradesh bad Uttar Pradesh, yn rah tian bishar lang mynta ka step hapdeng ka jingpahara kaba jur bha.

Share post:

spot_img
spot_img

Popular

More like this
Related

Mih ka Samla ha UP hadien ba jah rngai na Nongmensong

Shillong, Naitung 04 : Ka samla Janice Angel Mary...

Ithuh ka Sorkar ia ki Parking Zone | Yn lum bai pynieng kali ha surok naduh 1 tarik Nailar

Shillong, Naitung 04 : Ka Sorkar Jylla kala ithuh...

Shillong to enforce paid on-street parking from August 1; Govt notifies zones, rates

Shillong, July 4: The Meghalaya government has notified various...