Shillong Lber 10: Uwei u briew ula mynsaw na ka jingbthei u kynja bomb ha Them Metor, Them ÏewMawlong, Shillong hynne ka miet sngi Saitjaiñ.
Katkum ki khubor bala iohlum la pyntip, ba katei ka jingbthei kala jia haka por 10 baje mynmiet bad la suba jur ba ka dei ka jingbthei u Bomb IED hynrei haduh mynta kam shym la don kano kano ka jingpynthikna halor katei ka jingja.
Ka kynhun Bomb Squad jongka Meghalaya Police kala leit mardor sha katei ka jaka ban pynlong iaka jingtohkit.
Haduh ba thoh ia kane ka khubor, ula don uwei u briew uba la mynsaw ha katei ka jingjia bad la pynkit noh ia u sha Woodland Hospital, Shillong.Hynrei ym pat lah pat ban tip la udei uba shong basah ha Them Metor.
