Nongpoh, Naiwieng 30 : Uwei u samla na ka shnong Pahamsyiem, Ri-Bhoi, ula mynsaw jur na ka jingshah rat ha kawei ka trok AS01-PC-3750 hapoh ka thain Erpakon.
Kane ka jingjia kala jia hynnin janmiet bad ia utei u samla la tip kyrteng u Phrangky Lyngdoh ba 26 snem. Une u samla ula leit sahkai bad ka Meideng hapoh ka shnong Erpakon.
U Rangbah Shnong Bah M Thongni u pyntip ba ka daw jong kane ka jingjia ka dei namar ka jingpynher sted palat jong ka trok haduh ba une u samla ula mynsaw jur na ki bynta ka khlieh.
Ïa utei u samla bala mynsaw jur la pynkit noh sha Civil Hospital Nongpoh bad namar ka jingshitom kaba la kham jur la pynkit noh ïa u sha Shillong ban ioh ka jingsumar ba kham bha.
Ki Pulit ki pyntip ba u nong ñiah jong kane ka trok u la phet bak na kane ka jaka mar syn jia kane ka jingjia bad iehnoh ïa kane ka kali ha ryngkat bad u shabi. Ki Pulit kila shimti noh ia kane ka kali.
