Shillong, Nailur 19 : Saw ngut ki samla pule ka North Eastern Hill University (NEHU) kila mynsaw na ka jingshah thombor ha ka kynhun ki briew ba nabar ka Campus hynnin ka miet sngi Nyngkong ha NEHU campus.
Kane ka jingjia kala jia hapdeng 10-10:30 baje eiei mynmiet bad la iathuh ba kane ka jingthombor kala jia ha ka Boys hostel 19.
Kat kum ki video bala pynsaphriang, u nongbatai, uba la ngeit ba u dei u samla pule, ula pyntip ba kane ka kynhun kala leit tawiar ia ka hostel 19 bad la pyntip ba kala don ruh ka jinglun maw.
Katto katne ki video la pyni ruh ba ki samla kila pynjulor ia ki kattp katne ki kali ba pynieng marjan ka hostel, kawei ka dei jong u Incharge ka Mawkynroh Police Outpost.
Ym lah ban ithuh la kine ki briew ki shun iaki Khasi ne iaki kiwei ki samla na kiwei ki jaidbynriew namar kila shoh ia katba ki lap. La ithuh ba ki don kiba la mynsaw bad la ialam sha Hospital ban leh eksamin.
Ia ka daw tynrai jong kane ka jingjia ym pat lah satia ban tip hynrei la kynnoh ba ka dei ka jingiakulmar hapdeng ki kynhun jong ki samla pule na ki ar tylli ki Jaidbynriew.
Ia kane ka jingkulmar la lah ban tem noh da ki Pulit ka Mawkynroh kiba la poi mar mar sha kane ka jaka ban tem ia ka jinglong jingman.
 kila mynsaw na ka jingshah thombor ha ka kynhun ki briew ba nabar ka Campus hynnin ka miet sngi Nyngkong ha NEHU campus.){kind=link}