Nongpoh, Nailar 20: Arngut ki briew ba shong Auto Rickshaw, ki la mynsaw jur na ka jingshah tynrah ha kawei ka trok hynne ka sngi ha sor Nongpoh.
Kane ka jingjia ka la jia hajan ka Nongpoh Police Point, ha kaba la pyntip ba kawei ka trok (bym tip nombor) ka la leit ban tynrah nadien ïa katei ka Auto Rickshaw kaba don ïa u Number ML 10 A -8681, ha kaba nongniah ka Auto Rikshaw u Pynshngain Marbaniang u la mynsaw jur bad kynthup uwei uba shong nadien katei ka Auto Rickshaw.
Kat kum ki khubor Pulit, kane ka trok mar syn tynrah ia kane ka Auto, kala phet krad na katei ka jaka bad khlem lapdien shuh.
Ki Pulit ki iathuh ba Auto Rickshaw kila julor jubor bha na ki bynta ba shakhmat bad kane ka dei namar ba kane ka kali lai shaka kala leit ban tynrah pat ia kawei ka Bolero Pick-up kaba don hakhmat.
Ïa kitei ki ar ngut ba mynsaw la rah noh sha Civil Hospital Nongpoh ban ioh ai jing sumar bad ki Pulit pat ki dang thwet bad lapdien ïa katei ka Trok kaba la phet krad.
