Aizawl, Rymphang 14 : U Myntri Rangbah ka Mizoram Lalduhoma bad Myntri Rangbah ka Assam Himanta Biswa Sarma, kila mynjur ban ailad shuh ia kino kino ki kam umsnam hapoh ki jaka iakajia pud jong ki ar Jylla.
U Lalduhoma ula iathuh ba u Myntri ka Assam Border Area Development Atul Bora, un sa wan iuhkjat ha Mizoram ha u bnai ban wan halor kane ka kam.
Haba kren sha ki lad pathai khubor ha Aizawl, u Myntri Rangbah ula iathuh halor ka jingialang jong u bad u Himanta Biswa ha Guwahati, kaba iakren halor ki kam iakajia khappud.
Ula iathuh ruh ba ki ar Jylla kila mynjur ban pynneh ia ka jingshongsuk ha khappud bad ban pynbeit noh kloi ia ka jingiakjia pud.
