Shillong, Nohprah 13 : Ka Kynhun Myntri jong ka Sorkar MDA hynne ka sngi ba-ar kala ai jingmynjur ia ki kam ba lait ban thung briew noh ha Shillong Government College of Engineering bad ka College of Architecture and Urban Planning, Tura khnang ba kine ki jaka pule kin sdang shim klas noh ia ki samla pule ha u bnai Naitung 2023.
Cabinet has approved the sanction posts for Shillong Govt. College of Engineering & College of Architecture & Planning, Tura. With sanction posts approved & after necessary procedures, we are hopeful to start the 1st academic session by July 2023@dpradhanbjp pic.twitter.com/ofY7j9ZExh
— Conrad Sangma (@SangmaConrad) December 13, 2022
Hadien ka jingialang, u Myntri Rangbah ula ong ba 99% na ka jngtei ia ki Building jong kine ki College kila dep mynta.
“Ia kine ki kam ba lait la ai jingmynjur bad hadien ka jingbianglut ia baroh ki jingdonkam jong ki Commission bad ki Agency ba hap ban leh, ngi kyrmen ba hapoh u Naitung 2023, ka jingshim klas kan sa sdang noh” ula ong haba iakren bad ki nongthoh khubor.
Haba kylli, u Myntri Rangbah ula pyntipba ki don kumba 50 tylli ki kam ban sa thung na ka bynta ka Shillong Government College of Engineering bad 77 tylli na ka bynta ka College of Architecture and Urban Planning, Tura.
“Ka jinghap pynlut pisa ka long kumba T. 2.87 klur na ka bynta ka Shillong Engineering College bad T. 2.7 klur ia ka College of Architecture and Urban Planning, Tura ha ka shisnem” ula pyntip.
