Shillong, Nohprah 13 : Ka Sorkar Jylla hynne ka sngi ba-ar kala rai ban kyrshan pisa ia ki 12 tylli ki College jong ki riew paidbah (People’s College) kiba don ha kylleng ki jaka jong ka Jylla.
Loyola College, East Garo Hills, Balawan College, Ri Bhoi District, Mawsynram Border Area College, Selsella College, Seng Khasi College, Shillong, Mendipathar College, North Garo Hills, Sngap Syiem Memorial College, West Khasi Hills and Tikrilkilla College West Garo Hills.
— Conrad Sangma (@SangmaConrad) December 13, 2022
Ia kane ka rai la shim da ka Kynhun Myntri ka Sorkar Meghalaya Democratic Alliance (MDA) kaba shong jingialang hynne ka sngi.
Hadien ba pyniaid ia ka jingialang, u Myntri Rangbah Conrad K Sangma ula ong “ Katto katne ki Post yn sa bei tyngka da ka Sorkar. Ngin siew ma ngi ia ki Nonghikai, ki lecturer bad katto katne na ki Nongtrei ha kine ki College”.
Kine ki12 tylli ki College ki kynthup ia ka : Thomas Jones Synod College, Jowai (West Jaintia Hills), Abongnoga College, Tura (West Garo Hills, Khrawsing Christian College, Mawphlang (East Khasi Hills), Riwar College, Pynursla (EKH), Loyala College, Williamnagar (East Garo Hills), Balawan College, Umsning (Ri Bhoi), Mawsynram Border Area College, Mawsynram (EKH), Selsella College, Selsella (WGH), Seng Khasi College, Jaiaw (Shillong), Mendipathar College, Mendipathar (North Garo Hills), Sngap Sing College, Mawkyrwat (South West Khasi Hills) bad Tikrikilla College, Tikrikilla (WGH).
U Myntri Rangbah u pyntip ba ka jinghap pynlut pisa haba pyntreikam ia kane ka rai jong ka Sorkar kan kot kumba T. 17.94 klur shisnem bad T.1.5 klur ban pynlut manla u bnai.
U Conrad ula ong ba kane ka rai kan iarap ruh shibun ruh ha kaban weng ia ka jingeh na ka jingbym ioh rung klas jong ki Samla Pule ha ki College bapher bapher.
“Ngi iohsngew manla u snem ia ki jingeh ba ki samla pule kim ioh rung klas ha ki College ba duna ki seat, ta ka daw, ngi la shim ia kane ka rai kat kum ka jingkular jong ka Sorkar ia ki paidbah ba kan buh hakhmat eh ia ka kam ban kyntiew ia ka pule ka dangle” ula ong.
“Namar kata, lada phi peit mynta ha ka Jingialang jong ka Kynhun Myntri, kiba bun ki mat ki dei kiba iadei bad ka pule puthi. Da kine ki rai ba ngi shim, jan kot T. 40 klur tam ka pisa ban hap pynlut, kan leit sha ka pule ka dangle. Ta ka daw, kane ka dei kawei ka dak ba kumno ngi kum ka Sorkar ngi la shimkhia ia ka pule ka dangle bad buh hakhmat eh” ula bynrap.
