Shillong, Nailar 13 : Ka Kynhun Myntri ka Sorkar Jylla ha ka sngi Palei, kala mynjur ban pynrung thymmai ia ka paper ba thymmai halor ka Jylla na ka bynta ka eksam Meghalaya Civil Services (MCS) bad rai ban wanrah ia ka Bill ka ban pynlong Official Language ia ka ktien Khasi bad Garo.
U Myntri Rangbah ka Jylla Conrad K Sangma ula iathuh ba ka Expert Committee bala khlieh da u Prof David Syiemlieh kala ai jingmut ia kane ka paper thymmai ban pynthikna ba ki MCS Officer kin sngewthuh kham bha ia ka Jylla.
Cabinet has approved the report of the expert committee headed by Professor David Syiemlieh on introducing a dedicated paper on Meghalaya in the Meghalaya Civil Service (MCS) Competitive Examination.
Paper VI will focus specifically on Meghalaya, its history, culture,… pic.twitter.com/8Nu8ZOR2bk
— Conrad K Sangma (@SangmaConrad) August 13, 2026
“Kan sa don sa kawei ka paper thymmai, ka paper ba hynriew, kaban long kyrpang halor ka Jylla Meghalaya. Ka jingthmu ka long ba ki Ophisar MCS ki dei ban tip shaphang ka Jylla, kynthup ia ka histori, ka kolshor, ki rukom treikam bapher bapher jong ka bad ki bynta bapher bapher jong ka ioh ka kot” ong u Conrad.
“Ngi la ai jingmynjur ia ka kaiphod jong ka Committee mynta ka sngi ha ka jingialang ka Kynhun Myntri” ula bynrap.
Halor ka kam ba iadei bad ka ktien ka thylliej, u Myntri Rangbah ula pyntip ba ka Sorkar kan sa bujli ia ka Ordinance da ka Act.
“Kumba phi iatip, kane kala wan ha ka dur jong ka Ordinance bad mynta naba ka Dorbar kan sa wan, ngin sa wanrah ia ka bill bad ban mynjur ia ka Act bala pynkylla thymmai, ha kaba yn ithuh noh da ka ain ia ka ktien Khasi bad Garo kum ki Official Language” ula ong.
Cabinet has approved the Meghalaya Official Languages Bill, 2026. The Bill, which was earlier introduced in the form of an Ordinance, will now be formally taken up during the upcoming Assembly Session.
This will provide for Khasi and Garo to be recognised as official languages… pic.twitter.com/16ZyXTGHdt
— Conrad K Sangma (@SangmaConrad) August 13, 2026
Ka Kynhun Myntri kala shong bishar ruh ia ka draft jong ka jingkren u Myntri Rangbah ha ka jingrakhe ia ka Independence Day.
 bad rai ban wanrah ia ka Bill ka ban pynlong Official Language ia ka ktien Khasi bad Garo.){kind=link}