Shillong, Nailar 13 : U Myntri Rangbah ka Jylla Conrad K Sangma ha ka sngi Palei, ula buh jingkylli kylla ia u President ka Meghalaya Pradesh Congress Committee (MPCC) Bah Vincent H Pala, halor ka synniang ba ula ai ha kaban lah weng ia ki jingeh jong ka FCRA, haba kyrpad ia ki nongialam ba kin pynleit jingmut halor ki kam bala leh ha ka jaka ban leh politics.
Haba jubab ia ki jingkynnoh u Bah Pala ba ka Sorkar MDA kan kyrshan ia ka FCRA Bill ha Parliament, u Conrad ula ong ba ka FCRA Bill kala don mynta bad ka Joint Parliamentary Committee bad ka jingkylli ban kyrshan ne pyrshah kan sa mih hadien bala dep bisahr lut ia baroh kiei kiei.
“Ka jingkylli ban kyrshan lane ym kyrshan kan mih tad hadien ba ngi la iohi lut ia kiei kiei kiba don ha kano kano ka Bill ne ka Act. Mynta ia ka FCRA Bill lah phah sha ka JPC” ula ong.
U Myntri Rangbah ula ther kylla ia ka Congress kaba don ha ka Liang Pyrshah namar ka jingkynnoh ba kam shym la leh eiei hapoh Delhi.
“Ngam tip haduh katno sien u Bah Pala ula iakynduh ia u Myntri kam Pohiing lane kyrpad iala ki Nongialam ba kin iakynduh bad iakren ia kane ka kam ha ka kyrdan u Home Secretary. Kumta, Nga sngew ba ki kam ki kham kongsan. Mano manor uh ki lah ban kynthoh pyrshah iano iano ruh. Ka jingkylli ka long kaei pat kaba phi la leh? Kaei ka bynta jong phi ne ka synniang bad ha kano ka rukom phi la synniang” ong u Conrad.
U Conrad ula pdiang ia ka jingpyrshang ba dang shen jong ki MLA ka UDP bad ki Nongialam kiba la leit iakynduh ia u Myntri kam Pohiing ban iakren halor ka FCRA.
“Nga kmen ba dang ha kine ki khyndiat sngi, ki MLA ka UDP kila leit iakynduh ia u Myntri kam Pohiing bad iakren ia ka FCRA. Nga la iohi ia kiwei ki nongialam na kiwei ki seng sain pyrthei kila leit bad iakynduh-kane ka dei kaba kham kongsan” ula ong.
 Bah Vincent H Pala, halor ka synniang ba ula ai ha kaban lah weng ia ki jingeh jong ka FCRA, haba kyrpad ia ki nongialam ba kin pynleit jingmut halor ki kam bala leh ha ka jaka ban leh politics.){kind=link}