Shillong, Rymphang 16 : Ka Kynhun Myntri ka Sorkar Jylla, kala ai jingmynjur ia ka mang tyngka ba thymmai na ka bynta ki jingtei madan ialehkai jong ka 39th National Games 2027.
Haba kren sha ki lad pathai khubor hadien ka jingialang ha ka sngi Nyngkong, u Myntri ki kam ialehkai Bah Wailadmiki Shylla ula ong “Ka Kynhun Myntri kala mynjur ia ka mang pynlut ba thymmai na ka bynta ki jingtei madan ialehkai kynthup ia ka Aquatic bad Tennis Complex, Umsawli, Hostel Block Umsawli, Sunny Hills Tura bad Pa Togan Nengminja Sangma Athletic Stadium Tura”.
Haba batai ia ki daw ba pynthymmai ia ka mang pisa, u Bah Wailad ula ong “Kano kano ka jingmang kaba la kiew palat 25% ka dei kaba hap ban mynjur da ka Kynhun Myntri. Kala tam ia ka jingmang da 25% namar ki dang mih ki jingdonkam thymmai kum ka practice pool. Diving pool. Bad ki jaka shong, kaba la leh halor ka jingkyrpad jong ka Indian Olympic Association ha ka por ba wan jurip”.
Ia kine ki project yn bei tyngka da ka Sorkar Jylla.
